2023 ஆம் ஆண்டு மாத்தறை வெலிகம பகுதியில் உள்ள ஹோட்டல் ஒன்றுக்கு அருகில் நடந்த துப்பாக்கிச் சூட்டு சம்பவம் தொடர்பாக வாக்குமூலம் பதிவு செய்ய முன்னாள் பொது மக்கள் பாதுகாப்பு அமைச்சர் டிரான் அலஸுக்கு குற்றப்புலனாய்வுத் திணைக்களம் அழைப்பாணை விடுத்துள்ளது.
வாக்குமூலம் பதிவு செய்வதற்காக நாளை திங்கட்கிழமை (31) ஆஜராகுமாறு முன்னாள் அமைச்சருக்கு அழைப்பாணை விடுத்துள்ளதாக குற்றப்புலனாய்வுத் திணைக்களத்தின் மூத்த அதிகாரி ஒருவர் தெரிவித்துள்ளார்.
2023 ஆம் ஆண்டு டிசம்பர் மாதம் மாத்தறை வெலிகம, வெலிகம பெலேன பகுதியில் ஹோட்டல் ஒன்றுக்கு அருகில் நடந்த துப்பாக்கிச் சூட்டு சம்பவத்தின் போது கொழும்பு குற்றத்தடுப்பு பிரிவு பொலிஸ் சார்ஜன் உயிரிழந்துள்ளார்.
இந்த சம்பவம் தொடர்பாக முன்னாள் பொலிஸ் மா அதிபர் தேசபந்து தென்னகோன் உட்பட எட்டு பொலிஸ் அதிகாரிகள் கைது செய்யப்பட்டு விளக்கமறியலில் வைக்கப்பட்டுள்ள நிலையில் மேற்படி அழைப்பாணை முன்னாள் பொது மக்கள் பாதுகாப்பு அமைச்சர் டிரான் அலஸுக்கு விடுக்கப்பட்டுள்லமை குறிப்பிடத்தக்கது.