எரிபொருள் நிலையங்களில் வரிசையில் காத்திருந்த வாகனங்கள்:

நள்ளிரவு முதல், பெற்றோலிய பொருட்களை விநியோகிப்பதில் இருந்து விலகியுள்ளதாக எரிபொருள் விநியோகஸ்தர்கள் சங்கம் தெரிவித்துள்ளது.

தற்போது எரிபொருள் விநியோகஸ்தர்களுக்கு வழங்கப்படும் 3% தள்ளுபடித் தொகையை ரத்து செய்து, இன்று முதல் நடைமுறைக்கு வரும் வகையில் புதிய சூத்திரத்தின் படி பணம் செலுத்துவதற்கு இலங்கை பெற்றோலிய கூட்டுத்தாபனம் நடவடிக்கை எடுத்துள்ளது.

இதையடுத்து,நேற்று நள்ளிரவு முதல், எரிபொருள் விநியோகஸ்தர்கள் பெற்றோலிய பொருட்களை விநியோகிப்பதில் இருந்து விலகுவதாக விநியோகஸ்தர்கள் சங்கம் நேற்று பிற்பகல் நடைபெற்ற ஊடகவியலாளர் சந்திப்பில் தெரிவித்திருந்தது.

இதையடுத்து கொழும்பில் நேற்றிரவு எரிபொருள் நிலையங்களில் வாகனங்கள் வரிசையில் காத்திருந்தன. எரிபொருளுக்கு தட்டுப்பாடு ஏற்படலாம் என்ற அச்சத்தில் வாகன உரிமையாளர்கள் இரவிரவாக எரிபொருளை சேமிக்க முயன்றனர்.